Presidenti i Lituanisë, Gitanas Nausėda, ka shpallur gjendjen e jashtëzakonshme në vend të enjten, raporton Reuters.
Ky veprim vjen pas pushtimit që po i bën Ukrainës Rusia.
Gitanas Nausėda tha se planifikon të dërgojë ushtrinë për të mbrojtur kufijtë e Lituanisë, si përgjigje ndaj “shqetësimeve dhe provokimeve të mundshme për shkak të forcave të mëdha ushtarake të grumbulluara në Rusi dhe Bjellorusi“.
- Advertisement -
Ndërkohë Kaja Kallas, kryeministrja e Estonisë – shtet që kufizohet me Rusinë – tha për BBC News “ne do ta ndihmojmë Ukrainën me të gjitha mjetet e mundshme”, duke përfshirë mbështetjen politike dhe duke dërguar armë.
Ajo i këshilloi qytetarët estonezë të qëndrojnë të qetë, pasi “aktualisht nuk ka asnjë kërcënim në kufijtë e Estonisë.”