Pjesëmarrje e ulët në protestën për vrasjen e 7-vjeçares në Himarë

Qytetarët në kryeqytet janë mbledhur sërish këtë të hënë në një protestë për vrasjen e 7-vjeçares Avida në plazhin e Himarës, pasi u përplas nga skafi që drejtohej nga ish-efektivi Arjan Tase.

Ndryshe nga protesta e disa ditëve më parë, numri i pjesëmarrësve ishte relativisht i ulët.

Duke thirrur drejtësi për Jonadën të pranishmit kanë thënë se ultimatumi i dhënë kryeministrit ka mbaruar dhe tani kërkojnë shkarkimin e ministrave sipas tyre përgjegjës, Çuçi dhe Kumbaro.

“Kumbaro, si ministre e turizmit duhet të japë dorëheqjen pasi dështoi me turizmin. Vratë një 7-vjeçare që kishte ardhur të kalonte pushimet në atdhe”, tha një nga drejtueset e protestës.

Protestuesit e nisën marshimin në zonën e pedonales dhe u ndalën para Ministrisë së Brendshme ku kërkuan shkarkimin e ministrit Çuçi dhe drejtorit Gledis Nano.

Më 2 gusht, ish-shefi i Komisariatit të Himarës, Arjan Tase përplasi për vdekje 7-vjeçaren Avdia, teksa kryente manovra të rrezikshme me skaf në plazhin e Potamit në Himarë.

Ai ishte efektiv policie dhe u përjashtua nga rradhët e policisë nga Drejtori i Përgjithshëm, Gledis Nano.

Në lidhje me këtë ngjarje të rëndë, Gjykata e Vlorës ka dhënë masën e sigurisë arrest me burg për ish-efektivin Arjan Tase.

LEXONI GJITHASHTU:

• Pjesëmarrje e zbehtë në protestë, Goxhaj: Kërkojmë të mbahet përgjegjësi
• Arjan Tase priste të ngrihej në detyrë, thotë ish-deputeti