Mbyllet protesta e opozitës, përplasje mes policisë dhe protestuesve! Molotovë dhe gazlotsjellës

Vijojnë tensionet, protestuesit hedhin fishekzjarre! Policia përgjigjet me ujë

Gjatë përplasjeve që po ndodhin në Bulevardin “Dëshmorët e Kombit”, një efektiv i Policisë nuk është ndjerë mirë, në kushtet e tensionit mes forcave të rendit dhe protestuesve të opozitës.

Protestuesit e opozitës kanë tentuar të marshojnë ndërsa policia ka vendosur një kordon sigurie pranë Ministrisë së Brendshme, duke mos lejuar kalimin drejt zonave të tjera të kryeqytetit.

Protestuesit kanë tentuar të çajnë kordonin e policisë teksa kanë bërë thirrje për të vijuar marshimin. Ata theksojnë se policia po i pengon të vijojnë marshimit dhe ata po tentojnë të depërtojnë në anën tjetër të kordonit të policisë.

Pas disa tentativash, ata nuk kanë arritur të çajnë kordonin dhe policia ka hedhur ujë në drejtim të tyre për t’i shpërndarë. Uji i ka arritur ti shpërndajë për pak çaste dhe ata tentuan sërish duke u përplasur me forcat e policisë.

Ashtu siç ishte paralajmëruar, policia nuk ka lejuar që protesta e opozitës të shtrihet jashtë bulevardit “Dëshmorët e Kombit”. Pranë Ministrisë së Brendshme është formuar një kordon policor, i cili ka penguar marshimin e protestuesve drejt zonave të tjera të kryeqytetit.

Forcat e policisë ndaluan protestuesit të vijonin më tej, duke përdorur edhe autobote me ujë për t’i shpërndarë. Në përgjigje të situatës, disa protestues kanë hedhur mjete ndezëse molotovë.

Kreu i Grupit Parlamentar të PD, Gazment Bardhi pas tensioneve në marshimin e opozitës ka reaguar ashpër ndaj policisë teksa i ka akuzuar se po provokojnë qytetarët. Ai theksoi se protesta ishte paqësore dhe se ata e bllokuan rrugën duke iu kërkuar edhe arsyen e këtij akti.

Bardhi; Çfarë po ndodhte që u nxorën këtu? A ishte protesta paqësore, pse bllokoni rrugën? Pse provokoni? A keni ligj ju a zbatoni vetëm urdhëra të paligjshëm? Shkoni arrestoni ata që kanë vjedhur shqiptarët jo qytetarët që protesojnë kundër korrupsionit.

Marshimi i qytetarëve nga Kryeministria drejt Ministrisë së Brendshme ka agravuar në tensione. Siç shihet edhe nga pamjet, protestuesit kanë hedhur molotov ndërsa policia është kundërpërgjigjur me gazlotsjellës.

Protestuesit në tentativë për t’u mbrojtur nga gazilotsjellës kanë përdorur çadrat e tyre duke i përdorur si mburojë. Marshimi nisi pa incidente ndërsa pas disa çastesh përplasjesh situata duket sërish e qetë.

Marshimi i qytetarëve nga Kryeministria drejt Ministrisë së Brendshme ka agravuar në tensione. Siç shihet edhe nga pamjet, protestuesit kanë hedhur molotov ndërsa policia është kundërpërgjigjur me gazlotsjellës.

Protestuesit në tentativë për t’u mbrojtur nga gazilotsjellës kanë përdorur çadrat e tyre duke i përdorur si mburojë. Marshimi nisi pa incidente ndërsa pas disa çastesh përplasjesh situata duket sërish e qetë.

Marshimi i opozitës ka nisur teksa kreu i Partisë Demokratike, Sali Berisha ka dalë nga selia për të startuar tubimin i cili ishte njoftuar të niste që në orën 19:00. Marshimi nisi me disa minuta më vonë nga ora e cila njoftuar të niste.

Berisha së bashku me mbështetësit dhe qytetarët është nisur nga selia drejt Kryeministrisë ku do të zhvillohet protesta.

Drejtori i Përgjithshëm i Policia e Shtetit, Skënder Hita, ka inspektuar masat e marra për mbarëvajtjen e një tubimi publik.

Gjatë inspektimit, ai ka kërkuar nga grupi i menaxhimit të shërbimeve policore të angazhuara në terren që të ruajnë qetësinë dhe të tregojnë profesionalizëm në garantimin e rendit dhe sigurisë.

Ai ka theksuar rëndësinë e koordinimit të forcave policore dhe reagimit të kujdesshëm për të shmangur çdo incident gjatë zhvillimit të aktivitetit, duke siguruar që tubimi të zhvillohet në mënyrë të qetë dhe të organizuar.