Liverpool “leksion” United në transfertë, bashkë me Cityn në krye të Premiere League

Kampionati anglez ka nisur në mënyrë spektakolare, e duket se i tillë do të jetë deri në përfundim, ku skuadrat synojnë të arrijnë objketivat e vendosur. Për këtë pikë është ende herët, por që në nisje gjithçka duket emocionuese, ku të mëdhenjtë nuk kanë ndërmend të dorëzohen. Manchester City mbetet ekipi për t’u mundur dhe pretendenti kryesor, por Liverpool i Arne Slot ndodhet aty me pikë të plota. Kur janë luajtur 3 ndeshje vetëm këto 2 skuadra kanë arritur ti fitojnë të treja, duke i dhënë sinjale në distancë njëra-tjetrës.

Liverpool mposhti Manchester United në transfertë në shfirat 0-3, duke i dhënë një leksion trajnerit Ten Hag dhe të tijve. 2 golëshi i Diaz dhe Salah vulosën fitoren, por kjo erdhi pas një performance të jashtëzakonshme. Sa i përket rivalëve nga Ethiad, këta të fundit janë nën diktatin e Haaland, i cili realizoi tripletë ndaj West Ham. Madje edhe goli i vetëm i kundërshtarit ishte një autogol i Dias. Në krye qëndron skuadra e Guardiolës me 9 gola të shënuar e 2 të pësuar, ndërsa Liverpool numëron 7 rrjeta.

LEXONI GJITHASHTU:

• Merkato| Musiala në planet e Guardiolës, Chiesa këmbëngul për largimin nga Juventus
• Dilema që “çmendi” Parisin, debati mbi boksieren algjeriane: Burrë apo grua?