Liverpool ngjitet në krye, Humbasin Arsenal e Man City

Gara në kampionatin anglez vijon të jetë e fortë javë pas jave, ku ekipet e kreut ndërrojnë vendin me njëra-tjetrën, teksa këtë herë është radha e Liverpool që me shumë meritë shijon fronin.

Skuadra që udhëhiqet nga Arne Slot deri më tani i ka bindur të gjithë me lojë e rezultat, ku të shtunën mori fitoren e radhës. Një përmbysje me shumë vlerë ndaj Brighton që kaloi i pari në avantazh me Kadioglu, por në fraksionin e dytë, dyshja Gakpo Salah i dhanë fitoren të kuqve, që shohin veten në krye.

Arsenal dhe Man City i zhgënjyen të gjithë, goonersat me humbjen minimale ndaj Newcastle, ndërsa the cityzens 2-1 në transfertën e Bournemouth. Një gol i Isak bëri që qymyrxhinjtë të merrnin 3 pikë me shumë vlerë. Sa i përket kampionëve në fuqi, u shtangën në transfertë, kur dyshja Semenyo-Evanilson i dhanë avantazhin e dyfishtë Bournemouth, ndërsa Gvardiol shënoi golin e vetëm, por nuk pati reagim të mëtejshëm.

Nottingham përfitoi nga kjo ndalesë duke rrëmbyer vendin e tretë në tabelën e klasifikimit.  Ipsëich-Leicester dhe Wolves-Crystal Palace u mbyllën pa fitues.

LEXONI GJITHASHTU:

• Drama “Grerëza” në skenën e teatrit të Gjirokastrës, duartrokitet nga publiku
• Incidenti në Mitrovicën e Veriut, reagime pas parullave të ngjitura nga serbët