Liverpool pa trajner në verë, Klopp zgjedh të pushojë. Kush do ta zëvendësojë

Jurgen Klopp njoftoi të enjten largimin nga Liverpooli në fund të këtij sezoni, ndërsa menjeherë reagimet ishin të shumta. Klubi britanik ende nuk e ka menduar emrin e zëvendësuesit të tij, teksa në media kanë qarkulluar disa prej tyre. De Zerbi është një ndër teknikët me më tepër potencial në Premier League, e natyrisht emri i tij lidhet me Liverpool, edhe pse asgjë në mënyrë zyrtare. Në anën tjetër është Xabi Alonso, që aktualisht drejton Leverkusenin në Bundesligën gjermane dhe është shumë pranë fitimit të titullit kampion.

Ky i fundit i cilësoi spekulime informacionet e qarkulluara në media, duke pohuar se ndihet i lumtur tek aspirinat dhe ka objektiva për të arritur. Italiani i Brighton, De Zerbi është një trajner inovativ, por nuk i ngroh tifozët e Liverpool dhe një kalim atje mund të mos mirëpritet prej tyre.

Por krahas këtij shqetësimi, kuriozitet të madh ka për të ardhmen e Klopp, i cili ka premtuar se nuk do të drejtojë më kurrë një ekip anglez. Krahas kësaj deklarate, tekniku shtoi se do të qëndrojë për 1 vit larg futbollit. Në mënyrë të çuditshme emri i Klopp lidhet dhe me kampionatin italian, aty ku Napoli e Roma dëshirojnë një kalim të gjermanit, edhe pse dicka e tillë duket e pamundur.

LEXONI GJITHASHTU:

• Klopp e mbyll me Liverpool, kur pritet të largohet nga “Anfield”
• Zhgënjehen tifozët shqiptarë! UEFA e “kursyer”, nuk sigurojnë bileta për Euro 2024