“Lojë kriminale”-Rama-qytetarëve: Nëse merrni mesazhe në emrin e personave publikë..

Kryeministri Edi Rama ka paralajmëruar qytetarët se një lojë mashtruese me kompjutera që imitojnë numrin e telefonit për të dërguar mesazhe të rreme, po dëmton qytetarët shqiptarë.

Komentet Rama i bëri përmes një postimi në rrjetet sociale, ku shkruan se Policia ka ndaluar dhe çuar para drejtësisë disa prej këtyre mashtruesve, që kanë arritur të marrin para prej të dëmtuarve.

Po ashtu Rama i ka bërë apel të gjithë qytetarëve që marrin mesazhe në emrin e personave publikë, që të tregohen të kujdesshëm dhe të mos bien pre e këtyre lojërave kriminale.

“Një lojë mashtruese me kompjutera që imitojnë numrin e telefonit për të dërguar mesazhe të rreme, ka dëmtuar disa persona deri më sot. Policia e Shtetit ka ndaluar dhe çuar para drejtësisë disa prej këtyre mashtruesve, të cilët kanë arritur të marrin para prej të dëmtuarve.  Por ndërkohë që policia vazhdon punën e saj për identifikimin e të tjerëve, u sugjeroj të gjithë atyre që marrin mesazhe në emrin e personave publikë, të verifikojnë paraprakisht vërtetësinë e dërguesit, që të shmangin kurthin e kësaj loje kriminale”, ka shkruar Rama në llogarinë e tij në rrjetin social “X”.

LEXONI GJITHASHTU:

• VIDEO| Policët ofrojnë shishe uji për qytetarët e turistët, Rama ndan pamjet
• “Hamburgu është i kuq”- Rama: Tifozeria shqiptare po luan rolin e lojëtarit të 12-të