Luan Baçi: Bardhi duhej të bashkohej më herët me Berishën

Deputeti i PD-së Luan Baçi ka komentuar situatën e PD dhe uljen e tensioneve mes Sali Berishës dhe Gazment Bardhit.

Në një intervistë për Euronews Albania, ai theksoi se kjo gjë që ka ndodhur tani duhet të kishte ndodhur që në fillim.

Më tej ai nënvizoi se edhe pse ka pasur përplasje PD ka qenë gjithmonë një.

“Nuk ka një aleancë të re, ka një PD. Gjithmonë i kam mëshuar faktit se PD është një. Ajo që bëri Bardhi dhe Berisha ishte një veprim i vonuar dhe duhej të kishte ndodhur shumë herë më shpejt, pavarësisht të gjitha zhvillimeve të bendshme të PD-së. Nëse ka pasur një gabim shumë të rëndë tek grupi parlamentar i PD-së që është përgjegjësi kryesorpër të gjithë situatën  e krijuar te PD, shpesh herë i kam mëshuar faktit se strukturat në PD janë të gjitha bashkë me përjashtime të vogla. Sot ndodhi ajo që duhet të kishte ndodhur qysh në krye të herës që duhet të mblidheshin dhe të diskutonin e ballafaqoheshin me mendime të ndryshme. Për Bardhin nuk kam ndryshuar mendim, kam të njëjtin mendim si më parë, por qëndrimet dhe mendimet e deputetëve nuk duhen paragjykuar”- tha ai.

LEXONI GJITHASHTU: 

• “Fati” i Woody Allen, regjisori 87-vjeçar, në Venecia me filmin “Coup de Chance”
• Entuziazmi tek kuqezinjtë, Shqipëria vijon përgatitjet në Tiranë, synojnë fitore