Ambasadorët evropianë pritet të debatojnë për përfshirjen e teknologjisë së re të skanimit në rregulloren për Materialin e Abuzimit Seksual të Fëmijëve (CSAM), e cila u propozua nga presidenca belge e Këshillit të BE-së. Kjo teknologji, e njohur si “moderimi i ngarkimeve,” synon të monitorojë përmbajtjen e mesazheve të koduara në shërbime si WhatsApp dhe Messenger për të zbuluar imazhe të abuzimit seksual të fëmijëve.

Amendamenti i propozuar do të kërkojë që këto shërbime të integrojnë skanerë që analizojnë foto, video dhe URL-të e përdoruesve dhe t’i raportojnë ato tek autoritetet përkatëse. Përdoruesve do t’u ofrohet mundësia të japin pëlqimin e tyre për skanimin, por nëse refuzojnë, shërbimet e tyre do të kufizohen vetëm në dërgimin e mesazheve tekstuale.

Kritikët paralajmërojnë se kjo risi  mund të shfrytëzohet nga hakerët dhe aktorët keqdashës. Shoqatat tregtare dhe grupet e të drejtave dixhitale shprehen gjithashtu dyshime për efikasitetin dhe ndikimin në privatësinë e përdoruesve.

Nëse ambasadorët arrijnë marrëveshje, kjo do të hapë rrugën për fillimin e negociatave midis Parlamentit Evropian, Komisionit dhe Këshillit, të njohura si “trilog”. Miratimi zyrtar pritet të ndodhë në vjeshtën e vitit 2024, pas formimit të Parlamentit të ri dhe organizimit të takimeve trilog nga presidenca hungareze e Këshillit.

LEXO GJITHASHTU:

• Kanye West paditet për ngacmim seksual nga ish-asistentja
• David Copperfield akuzohet për ngacmim seksual nga 16 gra, mes tyre një e mitur