Sekretarja e Thesarit e SHBA-së, Janet Yellen pranoi të martën se inflacioni është në “nivele të papranueshme”, por gjithashtu u përpoq të nënvizonte se nuk është një problem vetëm për Shtetet e Bashkuara.
“Lufta e Putinit në Ukrainë po ndikon në çmimet e energjisë dhe ushqimeve në nivel global”, u tha Yellen ligjvënësve. “Ne nuk jemi i vetmi vend që përjetojmë inflacion. Ju mund ta shihni këtë pothuajse në çdo vend të zhvilluar anembanë botës.”
Ajo theksoi gjithashtu se Shtetet e Bashkuara nuk janë imune ndaj goditjeve globale të energjisë.
“Ne jemi pjesë e tregjeve globale të naftës që janë subjekt i ndikimeve gjeopolitike,” tha Yellen. “Duke pasur parasysh natyrën globale të këtyre tregjeve, është praktikisht e pamundur për ne që të izolohemi nga goditjet si ato që po ndodhin në Rusi që lëvizin çmimet globale të naftës.”
Ajo shtoi se është kritike që Shtetet e Bashkuara të bëhen “më të varura nga era dhe dielli që nuk i nënshtrohen ndikimeve gjeopolitike”.
LEXONI GJITHASHTU:
