Luftimet duhet të ndalen, thotë shefi i OKB-së

Sekretari i Përgjithshëm i OKB-së António Guterres tha se luftimet ruse në Ukrainë duhet të ndalen.

Guterres pritet të bëjë thirrje publike në seancën speciale të Asamblesë së Përgjithshme të OKB-së për Ukrainën, e cila po mblidhet në Nju Jork.

“Bombardimet me raketa dhe sulmet ajrore ruse po godasin qytetet e Ukrainës ditë e natë. Kryeqyteti, Kievi, është i rrethuar dhe është nën sulm nga të gjitha anët”, tha António Guterres.

Gjatë seancës speciale, Guterres do të nënvizojë se OKB-ja ka të dhëna të besueshme se sulmet ruse po godasin zona rezidenciale, civilë dhe vende të tjera që nuk janë baza ushtarake.

Cili është mesazhi?

“Kjo dhunë e përshkallëzuar – e cila po sjell vdekjen e civilëve, përfshirë fëmijë – është krejtësisht e papranueshme. Mjaft është mjaft! Ushtarët duhet të kthehen në kazermat e tyre. Udhëheqësit duhet të shkojnë drejt paqes”.

Guterres pritet të nënvizojë se sovraniteti, pavarësia dhe integriteti territorial i Ukrainës brenda kufijve të saj të njohur ndërkombëtarisht, duhet të respektohen.