Gazetarja e Euronews Albania, Raziela Myslimaj raportoi se protestuesit nisin nga podiumi i vendosur përballë kryeministrisë dhe vazhdojnë deri Ministria e Brendshme.

“Kam bërë një shëtitje të themi, nga ku është vendosur fonia përballë kryeministrisë e përgjatë gjithë bulevardit ‘Dëshmorët e Kombit’ dhe protestues ka deri në ministrinë e Brendshme,” – u shpreh Myslimaj.

Protesta ka nisur pak më pas orës 16:00, nga u lajmërua fillimisht. Ka një numër të lartë qytetarësh me pankarta në duar që kërkojnë rrëzimin e qeverisë Rama.

Sali Berisha nuk pranoi të prononcohej për mediat, ndërsa Ilir Meta bëri një thirrje edhe për qeverinë që të mos provokojë protestuesit, përveçse për qytetarët që i ftoi t’i bashkohen tubimit.

Forcat Speciale dhe policia janë në terren të mobilizuar për çfarëdolloj incidenti. Kryeministria u blindua para se të niste gjithçka, ndërsa shtyllat ndriçuese u grasuan.

Në tarracat e institucioneve përgjatë bulevardit ka efektivë gjithashtu.

LEXONI GJITHASHTU:

• Kush janë tre deputetët e Alibeajt që i bashkohen protestës së Berishës
• Dashnor Sula: Me Berishën kam qasje të ndryshme për PD, por protestoj kundër Ramës