Magjia e Champions League, luhet sot supersfida PSG-Milan

Sytë e gjithë Evropës do të jenë në Parc de Princes aty ku vendësit do të presin djallin nga Italia. PSG dhe Milan përballen me njëra-tjetrën për herë të 4 në historinë e kompeticionit më të rëndësishëm për klube në kontinentin e vjetër. Forma që po kalojnë të dyja skuadrat nuk është më e mirë, por shkak janë bërë dëmtimet, ku tek italianët janë 6 futbollistë, ndërsa tek PSG 4 prej tyre nuk janë në dipsozicion të Enrique. Në të njëjtin grup, një tjetër përballje që premton spektakël është ajo mes Newcastle dhe Dortmund.

Qymyrxhinjtë vijnë pas fitores së thellë me PSG, ndërsa synojnë të përsërisin të njëjtin sukses ndaj verdhezinjve. Barcelona kërkon fitoren e tretë e të konfirmohet në krye të grupit H, ndërsa pengesa e radhës është Shakhtar Donetsk. Blaugranët vijnë të copëzuar në këtë përballje, me 7 lojtarë që nuk janë në dispozicion, por pavarësisht këtij fakti janë favoritë. Sfida tjetër është ajo mes Antëerp dhe Porto.

Kampionët në fuqi të Manchester Cityt udhëtojnë drejt Zvicrës, aty ku i presin djemtë e rinj. Këta të fundit pa ndonjë synim, kur bëhet fjalë se përballë kanë ekipin më në formë të momentit. Interes po ashtu në grup ka përballja mes Leipzig dhe Crvena Zvezda, ku në rast fitore gjermanët do të forconin më tepër pozitat.

Me dy humbje radhazi Celtic do të luajë ndaj Atletico Madrid, që kërkon kreun, teksa me më rëndësi në grupin E është Feyenoord-Lazio.

LEXONI GJITHASHTU:

• Champions League| Gallata e ‘vogël’ për Bayernin, United merr fitoren e parë
• Juventus triumfon ndaj Milanit, Allegri: Synim ynë është të kthehemi në Champions
• Broja sërish i lënduar, shqetësimet në gju e lënë jashtë derbit