Makina përplas për vdekje këmbësorin në aksin Laç-Mamurras, arrestohet 21-vjeçari

Një aksident i rëndë ka ndodhur në orët e vona të mbrëmjes së ditës së premte në aksin rrugor Laç-Mamurras.

Sipas informacioneve paraprake bëhet me dije se një këmbësor i moshës rreth 60-vjeç është përplasur për vdekje nga një automjet.

Policia ka arrestuar shoferin 21-vjeçar, ndërkohë që vijon puna për identifikimin e viktimës.

Policia dhe grupi hetimor ndodhen në vendngjarje dhe po vijojnë punën për zbardhjen e rrethanave dhe shkaqeve të aksidentit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

“Mbrëmjen e djeshme, rreth orës 23:10, në autostradën “Laç-Mamurras”, automjeti me drejtues shtetasin E. B., ka përplasur një shtetas (këmbësor) ende të paidentifikuar.

Si pasojë e përplasjes, këmbësori rreth 60 vjeç, ka ndërruar jetë.

Në përfundim të veprimeve të kryera nga Specialistët e Qarkullimit Rrugor, u bë arrestimi në flagrancë i shtetasit E. B., 21 vjeç, banues në Fushë-Kuqe, për veprën penale “Shkelja e rregullave të qarkullimit rrugor”.

Vijon puna për identifikimin e shtetasit që humbi jetën si pasojë e përplasjes nga automjeti që drejtohej nga shtetasi E.B”, thuhet në njoftimin e policisë.

LEXONI GJITHASHTU:

• Aksident i rëndë në Librazhd-Elbasan, vetura përplaset me kamionçinën
• Aksident në aksin ‘Pogradec-Drilon’, përplasen 2 makina, plagosen 4 persona