Malaj: Pse duhet reformë për rritjen ekonomike dhe barrat e rënda për qytetarët

Ish-ministri i Financave dhe Ekonomisë, Arben Malaj deklaroi se duhet ndërmarrë një reformë për rritjen ekonomike, në mënyrë që kjo rritje të jetë e lartë dhe e qëndrueshme.

Në emisionin “Now” në Euronews Albania, Malaj nënvizoi se disa nga problemet dhe barrat e rënda për qytetarët, janë PPP-të, koncensionet si dhe çështjet në arbitrazh që mund t’i kushtojnë vendit qindra miliona euro.

“Lidhur me rritjen ekonomike, problemi është që një rritje ekonomike duhet të jetë më e lartë, më e qëndrueshme dhe që të jetë e qëndrueshme do reforma. Nuk mund të mbetet në projekte spontane, duhet të shpërndahet më mirë midis grupimeve sociale. Nuk është bërë indeksim i pagave dhe pensioneve, është bërë një rritje modeste, brenda mundësive që ka vlerësuar qeveria.

Por qeveria nuk mund të anashkalojë kritikën që bën FMN-ja dhe BB-ja, por dhe ne jemi të shqetësuar për PPP-të dhe koncensionet, jemi të shqetësuar edhe për vendimet e gjykatave ndërkombëtare që po bëj në disa qindra miliona euro që i ngarkohen qytetarë ve shqiptarë. Stabiliteti i financave publike nuk mund të vijë vetëm duke shkurtuar shpenzimet”, theksoi ai.

LEXONI GJITHASHTU

• “Mos bëj zhurmuesin”, Teliti përplaset me Kadian në Now
• Eksperti i PD-së: Pse dështoi ekonomia shqiptare
• Do iki me gomone drejt Londrës, kam paguar 20 mijë paund, thotë i riu