Malltezi në burg dhe situata në PD, gazetarët raportojnë nga terreni

Gazetarja e Euronews Albania, Ortensa Budlla ka raportuar nga Drejtoria e Përgjithshme e Policisë së Tiranës, aty ku ende nuk ka mbërritur Jamarbër Malltezi, i arrestuar këtë të shtunë në aeroportin e Rinasit, menjëherë pasi u kthye nga Mynihu.

Budlla tregoi se situata në Drejtorinë e Policisë është e qetë dhe ende nuk ka pasur lëvizje.

Blloku i sigurisë, siç raporton gazetari Eni Ferhati është te rruga “Mine Peza”.

Ndërkohë, në selinë e Partisë Demokratike ndodhej gazetarja Raziela Myslymaj e cila tha se ka shumë gazetarë të pranishëm për shkak dhe të interesit të mediave. Kujtojmë se Sali Berisha ka lajmëruar një konferencë të jashtëzakonshme për shtyp në orën 21:00.

Për këtë të fundit është caktuar masa e sigurisë detyrim paraqitje.

Flamur Noka ishte ndër eksponentët e parë të PD-së që mbërriti në seli, pasuar nga Klevis Balliu.

LEXONI GJITHASHTU:

• U kap në Rinas sapo erdhi nga Mynihu, detaje nga arrestimi i Jamarbër Malltezit
• SPAK arreston Jamarbër Malltezin, “Detyrim paraqitje; për Sali Berishën”