Manastirliu thirrje grave të kryejnë në kohë ekzaminimet për kancerin e gjirit

Nga Selenica e Vlorës, ministrja e Shëndetësisë, Ogerta Manastirliu, iu ka bërë thirrje të gjitha grave të kryejnë ekzaminimet në kohë për parandalimin dhe kapjen e hershme të kancerit të gjirit.

Në kuadër të fushatës së ndërgjegjësimit për luftën kundër kancerit të gjirit, ajo u ka kërkuar mjekëve të familjes të bëjnë planifikime rigoroze për grupmoshat e përcaktuara për kryerjen e mamografisë, jo vetëm në muajin tetor.

Manastirliu është shprehur se tashmë gratë do të kenë mundësinë të marrin këtë shërbim, në dy mamografi të lëvizshme në gjithë vendin dhe jo vetëm në spitalet rajonale, apo në Tiranë në Spitalin Universitar ‘Nënë Tereza’.