Mançini firmos me Arabinë Saudite: Futbolli këtu ka ecur perpara

Roberto Mancini do të nisë një rrugëtim në karrierën e tij, ndërsa është zyrtiarisht trajner i Arabisë Saudite. Italiani ka firmosur një kontratë 4-vjecare me kombëtaren arabe, ndërsa do të përfitojë plot 25 milionë euro në sezon. Ndeshja e parë nën drejtimin e skuadrës së re është ajo ndaj Costa Rikës më 8 shtator.

Në një deklaratë të shkurtër në nisje të kësaj aventure, Mançini e ka konsideruar një eksperiencë të bukur kalimin në Arabinë Saudite.

“Unë mendoj se kjo është një mundësi shumë e mirë për mua, të përjetoj futbollin në një vend të ri, sidomos me popullaritetin që futbolli po merr në Azi. Transferimi i yjeve të futbollit në Superligën arabe ndikon në rritjen e potencialit edhe në kombëtare”, tha Mançini.

Më 13 gusht Roberto Mancini vendosi të jepte dorëheqjen nga kombëtarja e axurrëve, kjo pas një përplasje me presidentin e federatës Gravina. Dyshja në fjalë shpërthyen në akuza ndaj njëri-tjetrit, me Italinë që menjëherë gjeti zëvendësuesin e kampionit të Evropës, duke ulur në stol Spallettin.

LEXONI GJITHASHTU:

• “Jam i ofenduar”- Garvina flet pas largimit të Mançinit: Duhet të më shihte në sy
• Sherri që solli dorëheqjen, flet për herë të parë Mançini pas largimit nga “axurrët”
• Roberto Mancini largohet nga Italia, “të kaltrit” në kërkim të trajnerit të ri