Pasditen e së mërkurës, Komisioni i Venecias ka aprovuar kërkesën e Kuvendit për opinion lidhur me zbatueshmërinë e vendimit të Gjykatës Kushtetuese për mandatin e deputetes socialiste, Olta Xhaçka.
Në përgjigjen e Komisionit të Venecias thuhet se kjo çështje do të merret për shqyrtim në mbledhjen e Komisionit të datës 6-7 Dhjetor.
Sakaq, deputetja e Partisë Socialiste, Klotilda Bushka është shprehur në takimin më drejtuesit e insititucioneve të pavarura se Kuvendi nuk ka vendosur asnjëherë në dyshim fuqinë e vendimeve të Gjykatës Kushtetuese, por përmes dërgesës së kësaj çështje për opinion në Komisionin e Venecias kërkohet një ekspertizë më e thellë ligjore.
Sipas saj, Gjykata Kushtetuese, respektohet jo vetëm si një institucion i pavarur, por edhe për epërsinë që kjo e fundit ka mbi instancat e tjera.
“Këto janë tryezat që do duhet t’i përdorim për të dëgjuar institucionete pavarura dhe si shkon epuiane tyre në kuadër të parimit të balancës së pushteteve. Sa i takon vullnetit të këtij Kuvendi për zbatimin e vendimit të Gjykatës Kushtetuese, është i palëkundur. Kuvendi bën çdo përpjekeje që të mos vendoset në dyshim fuqia e detyrimit të zvbatimit të vendimeve të GJK. Këto janë çështje që duan ekspertizë juridike, e për këtë siç edhe është njoftuar dje, Komisioni i Venecias ka pranuar kërkesën e kryetares së Kuvendit për mënyrën e zbatimit të vendimit të GJK, jo se e kemi vendosur ndonjëherë në dyshim këtë vendim, të cilin e respektojmë si çdo institucion të republikës, aq më tepër si një institucion i pavarur me funksione të qarta dhe që vepron normalisht. Jemi gati të ecim përpara për zgjedhjen e Avokatit të Popullit, qëllimi është që të përmbyllet ky proces brenda këtij sesioni,” –u shpreh Bushka.
LEXONI GJITHASHTU:
- Venecia pranon kërkesën e Kuvendit për mandatin e Xhaçkës, ja kur do të shqyrtohet
- Mandati i deputetes Olta Xhacka, Çuçi: Do i kërkojmë opinion Komisionit të Venecias
