Manja dhe Noka debat në Kuvend: Vidhni zgjedhje, bëni para dhe vidhni të tjerat

Ministri i Drejtësisë, Ulsi Manja dhe deputeti Flamur Noka kanë debatuar në sallën e Kuvendit sa i takon pensioneve.

Kjo nuk ishte tema e vetme që nxiti ngritjen e toneve, derisa kryetarja e kuvendit Lindita Nikolla tërhoqi vëmendjen.

Pjesë nga debati:

Noka: Pa më thuaj Ulsi me 96 dollarë çfarë mund të bësh? Si e përballon jetën e një muaji? 100 dollarë u duhen ilaçe, ti u jep 96 gjithsej. Mendoni vetëm për zgjedhjet e ardhshme, vidhni një palë zgjedhje, bëni para dhe vidhni të tjerat. E nise më Shukriun ti Ulsi, ti ishte ideatori i skemës së vjedhjes. I jepni rrogë sa 100 pensionistë anëtarëve të Gjykatës Kushtetuese, sepse duan ta blejnë atë se u duhet për votime. Ndaj duhet të kesh cipë që të skuqesh e zverdhesh që të mos thuash këto që thua. Të jeni të sigurt se ngordhja po u vjen politikisht.

Manja: Flamur kam një pyetje, të dielën zgjedhjet janë të lira dhe demokratike sipas kësaj që fole ti këtu? E shtrove pyetjen pse Kukësi duhet të na japë votën ne? Po është e thjeshtë sepse të kanë provuar ty, e ktheve në bajrak privat. Ti pyet pse duhet të na e japin ne? Sepse u ke ardhur në majë të hundës. Kuksianët të shkojnë të qetë të votojnë

Nikolla: O çuna, nuk ka për replikë

Noka: Je edhe për të qesh edhe për të qarë. O Ulsi rrugën  Kombit kush e bëri dhe kush e taksoi? Rrugën e Dibrës, kush e bëri? Dil më thuaj një investim që ke bërë? Vende pune? Po u ke krijuar në Angli…. hajdut!

Nikolla: Ndërpritet fjala, po flisni jashtë procedure, uluni në vend

LEXONI GJITHASHTU:

• “Do votojnë djalin e tyre”, Çela dhe Manja përplasen për kandidatin e Kukësit
• McGonigal pranon se ka punuar për manjatin rus Deripaska