Manja thirrje Berishës: Dëgjo zërat e jashtëm e reflekto, votoni pro pagave

Ministri i Drejtësisë Ulsi Manja i ka bërë një thirrje ish-kryeministrit Sali Berisha që të reflektojë pas humbjes së  zgjedhjeve të 14 majit.

Në fjalën e tij në Kuvend, ai tha se sot në Kuvend të gjithë deputetët duhet të votojnë pro vendimit për rritjen e pagës pasi në këtë mënyrë përfitojnë të gjithë shqiptarët.

“Sot çdo qëndrim politik i yni duhet të përkthehet me votën pro të të gjithë deputetëve të parlamentit  për një paketë ligjesh që çojnë në rritjen e pagave për qytetarët shqiptarë. Ka seanca të tjera që ne mund të bëjmë politik, por nuk është sot dita.  Dua ti them Berishës që mos të dëgjoj vetëm zëra e brendshëm që ka në kokë, as servilët që të rrinë afër, por reflekto dhe dëgjo dhe zërat e jashtëm. Dëgjo dhe Lekë Plepin e Vrenzoin në Korçë sepse shprehin shpirtin e demokratëve të lirë e të ndershëm. Këto janë ata që do të fillojë ngritja e të djathtës në Shqipëri. Sot është momenti që të japim votën pro për rritjen e pagave”-tha ai.

LEXONI GJITHASHTU: 

• “Hupe Sali, hupe!” Spiropali- Berishës: Udhëhoqe partinë drejt humbjes turpëruese
• Basha sulmon Berishën: Po shpik armiq që të fsheh dështimin që mbolli