Maqedonci i “përgjigjet” Vuçiçit: Raketat Javelin së shpejti në inventarin e FSK-së

Ministri i Mbrojtjes i Kosovës, Ejup Maqedonci ka thënë se Forca e Sigurisë së Kosovës shumë shpejt do t’i ketë në inventarin e saj raketat amerikane Javelin.

Ai tha se kësti i parë i pagesës është bërë në muajin mars, ndërsa kësti i dytë do të ekzekutohet deri në fund të këtij viti, shkruan KosovaPress.

Ministri Maqedonci duke folur për kërcënimet e presidentit të Serbisë, Aleksandër Vuçiç ndaj Kosovës, tha se të njëjtat nuk janë diçka të re, mirëpo institucionet e sigurisë janë vigjilente dhe të përgatitura.

Sa i përket funksionalizimit të aeroportit të Gjakovës, Maqedonci tha se i njëjti është funksional, mirëpo sipas tij parashihen investime të mëtutjeshme për përmbushje ne nevojave operacionale të FSK-së.

LEXONI GJITHASHTU:

• Kërcënimet e Vuçiç për Kosovën, eksperti i sigurisë: Po i shërben Albin Kurtit
• Vuçiç pas takimit me Lajçak: Brenda 72 orëve përgjigjemi me masa serioze ndaj Kurtit