Maratona e notit “Agron Ruvina”, Ergi Malollari fiton vendin e parë

Për të tretin vit me radhë bashkia e Pogradecit organizon maratonën e notit “Agron Ruvina“, një nga emrat më të njohur të sportit të notit në Shqipëri, një nga notarët kampionë dhe rekordmen të shumë disiplinave të sporteve të ujit.

Për nder të tij, sipas Klevis Cane, drejtor i sporteve në Bashki, maratona e notit tanimë do të jetë e përvitshme, së pari me notarë pogradecarë, por shumë shpejt pjesë e kësaj maratone do të bëhen dhe notarë të klubeve të tjera.

Në përfundim të garës 500 metrave, vendin e parë për të rinj e ka zënë Ergi Malollari. Ndërkohë pjesë e maratonës në distanca më të shkurtra janë bërë edhe ish-notarë të klubit të Pogradecit, si për të nxitur më shumë dëshirën e të rinjve për t’u marrë me sportet e ujit, me aq shumë traditë në Pogradec.

Për të rikthyer traditën e notarëve kampionë e rekordmenë, bashkia e Pogradecit ka filluar riorganizimin e ekipeve të sporteve të ujit, me shpresën se shumë shpejt në garat kombëtare do të shikojmë edhe notarë pogradecarë.

LEXONI GJITHASHTU:

• “Maratona Enkelana” në Pogradec, mbi 700 pjesëmarrës. Akset që do bllokohen
• Maratona Enkelana, bllokohen në mbrëmje 2 akset që të çojnë drejt Pogradecit