Maratona Enkelana, bllokohen në mbrëmje 2 akset që të çojnë drejt Pogradecit

Aksi Lin-Pogradec dhe Qafë-Plloç Pogradec do të bllokohen për rreth një orë e gjysmë këtë të enjte , në kuadër të Maratonës Ndërkombëtare Enkelana.

Organizatorët e maratonës bëjnë me dije se dy akset në fjalë do të bllokohen për qarkullimin e makinave gjatë fashës orare 19:00-20:30.

Ftohen të gjithë qytetarët që kanë planifikuar të kalojnë në këto dy akse që ta programojnë udhëtimin e tyre në mënyrë që të shmangin këtë fashë orare.

NJOFTIMI

Në kuadër të organizimit të Maratonës Ndërkombëtare Enkelana më datë 29 Korrik 2023 ju lajmërojmë se do të bëhet bllokim i përkohshëm i aksit nacional Lin-Pogradec dhe Qafë Plloçë-Pogradec:

Bllokimi për 1 orë e 30 minuta në fashën orare 19⁰⁰-20³⁰

Në të dyja drejtimet e lart përmendura, pra në sensin kur vjen nga Tirana dhe nga Korça.

Gjithashtu të bllokuara do të jenë edhe rrugët e qytetit deri në përfundim të maratonës.

Të gjithë drejtuesit e automjeteve janë të lutur të marrin masa për të mos lëvizur në këtë orar në rrugën nacionale pra nga ora 19⁰⁰ deri në orën 20³⁰

LEXONI GJITHASHTU:

• EMRAT| Kush janë të arrestuarit për dëmin 4.7 mln € përmes Call Center-ave
• EMRATl Megaoperacioni i SPAK, arrestohet prokurori, biznesmeni dhe zyrtarë policor