Nuk po jepet Butrinti me koncesion, thotë ministrja Margariti

Ministrja e Kulturës Elva Margariti tha sot në Kuvend se nuk ka asnjë marrëveshje për të dhënë me koncesion Parkun Kombëtar të Butrintit.

Margariti theksoi se në marrëveshjen për menaxhimin e Butrintit gjithçka është transparente dhe në favor të vendit.

“Si ministre kulture dua t’ju siguroj: qetësohuni, nuk po jepet Butrinti me koncesion. Po kthen kokën drejt Europës dhe botë me formulën më të mirë të menaxhimit”, tha ministrja.

Ajo e cilësoi një spektakël të shëmtuar debatin me përfaqësuesen e opozitës, Ina Zhupa në komisionin për mediat dhe edukimin ku kishte raportuar lidhur me këtë çështje.

“Dhe në mjedisin tonë publik, që këtë e bën një grua, është shumë e rëndë”, tha Margariti.

LEXONI GJITHASHTU:

• Nuk ka marrëveshje sekrete për Parkun e Butrintit, thotë Rama
• Marrëveshja sekrete për Butrintin lë dyshime për abuzime, thotë Bushati