Marrëveshja për emigrantët me Italinë, organizohet protestë para Kryeministrisë

Ditën e enjte përballë Kryeministrisë do të organizohet një protestë kundër marrëveshjes së vendit tonë me Italinë, për pranimin e emigrantëve të huaj që do të kthehen nga vendi fqinj.

Përmes lajmërimeve në rrjetet sociale, organizatorët nën moton “Shqipëria e Para”, shprehen kundër kthimit të vendit tonë në një “depo” të shteteve të mëdha europiane.

Protesta do të mbahet në orën 16:00 dhe përmes posterave u bëhet thirrje qytetarëve të vendosin kundër shkatërrimit.

Kujtojmë se dy ditë më parë kryeministri Edi Rama dhe homologia e tij italiane, Giorgia Meloni, firmosën një marrëveshje për ndërtimin në Shqipëri të dy qendrave që do të presin emigrantët e kthyer nga Italia, deri në shqyrtimin e kërkesave të tyre për azil.

LEXONI GJITHASHTU:

• Marrëveshja për emigrantët me Italinë, BBC: Ku do të ngrihen strehimet
• Firmoset marrëveshja për emigrantët, Rama: Kur Italia thërret, Shqipëria përgjigjet