Martesa e 2 grave, Myftinia e Tiranës: Akt i pabazuar në ligj, s’përfaqëson traditën

Myftinia e Tiranës ka reaguar pas martesës së dy grave në Tiranë, të cilat u kurorëzuan nga një prift i ardhur nga jashtë vendit, për të cilin Kisha Katolike pretendoi se nuk ishte përfaqësues i tyre.

Përmes një deklarate, Myftinia e Tiranës ka dalë kundër një martese të tillë, duke argumentuar se martesa mes dy individëve të së njëjtën gjini, është një akti i pabazuar ligjërisht.

Po ashtu Myftinia përmes njoftimit thotë se ka përcjellë edhe shqetësimin e mijëra besimtarëve dhë qytetarëve të Tiranës, për një akt që sipas tyre nuk përfaqëson as botëkuptimin, as fenë dhe as traditën e shqiptarëve.

Po ashtu, Myftinia i ka bërë thirrje institucioneve të jenë të kujdesshëm ndaj ngjarjeve të tilla duke mos u profilizuar në drejtimin e kundërt me pjesën dërrmuese të votuesve dhe taksapaguesve shqiptarë.

Deklaratë e Myftinisë së Tiranës:

Myftinia Tiranë ka përcjellë me shqetësim aktin e pabazuar ligjërisht të një “martese” mes dy individësh të së njejtës gjini të mbajtur në ambientet e një institucioni shtetëror.

Me të njejtin intensitet, Myftinia Tiranë, përcjell edhe shqetësimin e mijëra besimtarëve dhe qytetareve të Tiranës, të cilët ndjehen të irrituar para një akti të tillë i cili nuk përfaqeson as botëkuptimin, as fenë dhe as traditën e shqiptarëve.

Zhvillimi i një procedure të tillë në kundërshtim me ligjin shqiptar dhe Kodin e Familjes së Republikës së Shqipërisë është një veprim i rrezikshen për të legalizuar dhe normalizuar një proces që tenton të imponohet pa dëshirë përmes shkatërrimit të familjes dhe kulturës tonë kombëtare.

Ne, këshillojmë dhe u bëjmë thirrje institucioneve të jenë të kujdesshëm ndaj ngjarjeve të tilla duke mos u profilizuar në drejtimin e kundërt me pjesën dërrmuese të votuesve dhe taksapaguesve shqiptarë.

Myftinia Tiranë, mbetet e angazhuar tërësisht dhe fuqimisht në mbështetjen dhe promovimin e vlerave të familjes si thelbi i shoqërive të krijuara nga Zoti i Lartësuar për mbarëvajtjen e njerëzimit.

Po ashtu mbetet e angazhuar në promovimin e çdo akti i cili synon lartësimin moral të ndërgjegjes tonë kombëtare si dhe çdo sipërmarrjeje që çon drejt mirëqenies tonë publike materiale apo shpirtërire qoftë ajo.

Myftinia Tiranë

LEXONI GJITHASHTU:

• Martesa e grave në Tiranë, Kisha Katolike: Personi që i kurorëzoi s’ka lidhje me ne
• “Martesa e 2 grave në Tiranë, shfaqje televizive”, gazetari: Ja ç’duan të arrijnë