Masat ndaj zjarreve/ Balla: Urdhërova të bëhen inspektime në shkallë vendi

Ministri i Punëve të Brendshme, Taulant Balla tha se ka urdhëruar këtë të mërkurë një inspektim në shkallë vendi për masat dhe mjetet të cilat rrisin dhe garantojnë sigurinë publike nga zjarri dhhe nga shpëtimi.

Ai u shpreh se kontrollet do të zhvillohen në çdo bashki dhe në mënyrë periodike.

“Në ushtrim të kompetencave si Ministër i Brendshëm për orientimin e zbatimit të politikave të veprimtarisë së shërbimit të mbrojtjes nga zjarri dhe shpëtimin, kam udhëzuar sot një inspeketim në shkallë vendi të masave dhe mjeteve për rritjen dhe garantimin e sigurisë publike nga zjarri dhe shpëtimi.

Drejtoria e Përgjithshme e Mbrojtjes nga Zjarri dhe Shpëtimin në Ministrinë e Brendshme, njësitë e MZSH-së në çdo bashki, Inspektorati Kombëtar për Mbrojtjen e Territorit dhe inspektoratet e mbrojtjes së territorit në çdo bashki janë udhëzuar sot të kontrollojnë prej nesër dhe në mënyrë periodike masat dhe mjetet e mbrojtjes nga zjarri në çdo objekt, me kritere specifike sipas nivelit të rrezikut”,-thuhet në reagimin e ministrit Balla.

LEXONI GJITHASHTU:

• NATO do të mbështesë disa aleatë për të blerë 1000 raketa Patriot
• BE-ja dënon ashpër sulmin në Iran ku u vranë më shumë se 103 persona