Mashtrimi me mikro-kreditë nga MCA, guvernatori Sejko: Kemi pezulluar licencën

Shoqëria financiare MCA po hetohet për mashtrim dhe zhvatje të qytetarëve përmes kredive. Licenca e këtij instituconi me 16 mijë klientë është pezulluar nga Guvernatori i Bankës Qendrore, ndërsa kjo e fundit është thirrur për të dhënë shpjegime në Kuvend.

“Në vitin 2022, pas konstatimit se rekomandimet nuk ishin zbatuar dhe nuk ishin adresuar problamikat Banka e Shqipërisë pezulloi ushtrimin e veprimtarisë së kredidhënies, përfshi dhe blerjen e kredive të reja për të cilat ishin licencuar. Në ekzaminimin e fundit në dhjetor 2023 BSH ashpërsoi masat që ndonëse e klasifikuar si pezullim e vendoste MCA-në në kushtet e revokimit faktik të licencës”, tha Sejko.

MCA ka blerë një pjesë të portofolit të kredive të humbura nga bankat e nivelit të dytë dhe skema që ka ndjekur më pas, ka nisur me bllokimin e pronave, kreditim me interesa shumë të larta, dhe përfshirja përmbaruesve. Ankesat janë bërë nga vetë klientët në bankat tregtare, në media, e madje një pjesë e tyre edhe në Bankën e Shqipërisë.

“Kjo kompani ka 15.944 klientë kredimarrës. Nga këta 90% e tyre kanë marrë vendim gjykate, ose që janë në proces përmbaruesish. Në total kompania MCA ka blerë portofole me një vlerë 9.6 mld lekë është, nga të cilat është rekuperuar 10% e këtij portofoli. Në total pranë nesh janë bërë 85 ankesa janë bërë ndaj këtij subjekti”, tha Sejko.

Guvernatori tha në Komsionin e Ekonomisë se në fund të vitit 2023, kanë bërë kontroll, dhe kanë parë devijim, por nuk kanë pasur informacion që Prokuroria po hetonte këtë shoqëri.

LEXONI GJITHASHTU:

• Skandali i mikrokredive, guvernatori i BSH thirret për seancë dëgjimore në Kuvend
• Sejko: Subjektet financiare që japin mikrokredi iu janë nënshtruar kontrolleve