Verstappen befasoi Piastrin dhe Norris në Imola

Max Verstappen arriti pole positions numër 39 në karrierë, të 8-in rradhazi duke barazuar Ayrton Senna’n me një xhiro të pathyeshme në Imola. Holandezi befasoi rivalët e McLaren me kohën 1m 14.746s në bordin e Red Bull që humbi Perez në sesionin e 2-të kualifikues. Vetëm 0.074s më i ngadaltë Oscar Piastri në vendin e 2-të që u përball me vizitën e steëard’ve për shkak të një incidenti me Haas të Kevin Magnussen. Fituesi në Miami, Lando Norris u rendit në vendin e 3-të.

Charles Leclerc udhëhoqi Ferrarin në vendin e 4-të përpara Carlos Sainz në të 5’tin ndërsa Scuderia nuk përsëriti paraqitjet e të premtes. George Russell mbrojti Mercedes në vendin e 6’të indjekur nga Yuki Tsunoda që vazhdon të befasojë me vendin e 7-të. Lewis Hamilton dhe Mercedes plotësojnë rradhën e 4’rt të nisjes ndjekur nga Daniel Ricciardo dhe Haas i Nico Hulkenberg. Fernando Alonso ishte zhgënjimi i këtyre provave duke u renditur në vendin e 19 pas dështimit në sesionin e parë që konfirmoi fundjavën në vështirësi të spanjollit.

Kjo është rradha e nisjes në Cmimin e Madh të Emilia Romanjas në Imola:

1, Max Verstappen (Red Bull) – 1:14.746

2. Oscar Piastri (McLaren)
3. Lando Norris (McLaren)
4. Charles Leclerc (Ferrari)
5. Carlos Sainz (Ferrari)
6. George Russell (Mercedes)
7. Yuki Tsunoda (RB)
8. Lewis Hamilton (Mercedes)
9. Daniel Ricciardo (RB)
10. Nico Hulkenberg (Haas)
11. Sergio Perez (Red Bull)
12. Esteban Ocon (Alpine)
13. Lance Stroll (Aston Martin)
14. Alex Albon (Williams)
15. Pierre Gasly (Alpine)
16. Valtteri Bottas (Sauber)
17. Logan Sargeant (Williams)
18. Zhou Guanyu (Sauber)
19. Kevin Magnussen (Haas)
20. Fernando Alonso (Aston Martin)

LEXONI GJITHASHTU:

• Ferrari çmonton Mercedes
• Mercedes “hap thesin” për kampionin e Red Bull
• Norris mundi Verstappen për fitoren e parë në Formula 1