Mazhoranca voton ndryshimin e rregullores së Kuvendit, opozita largohet nga salla

Ndërsa kryeparlamentari Niko Peleshi kaloi procedurën e seancës plenare për votim të projektvendimeve në rend dite dhe të Rregullores së Parlamentit, opozita e pranishme në diskutime u ngrit dhe braktisi sallën, me arsyetimin se ndryshimi i rregullores së Kuvendit në këtë formë është antikushtetues.

Ky largim erdhi menjëherë pasi kryetari i PD, Sali Berisha, mbajti fjalën e tij për procedurë, ku u shpreh që mazhoranca të tërhiqej nga shkelja e Kushtetutës dhe të mos e kalonte.

Teksa Peleshi mbajti fjalën, ai theksoi se Kuvendi miratoi në seancë plenare ngritjen e 11 komisioneve të përhershme me emërtesa dhe fushat e përgjegjësive përkatëse.

Ndryshimi i rregullores se Kuvendit u miratua me 79 vota pro.

LEXONI GJITHASHTU:

• Rasti i 2017-s, Balla: Kur ishte në interesin tuaj, ndryshimet u bënë në një ditë
• PS propozoi shkrirjen e Komisionit të Integrimit, Tabaku: Duhet gjithëpërfshirje