Mbahen mitingjet e fundit, Trump kundër kriminelëve, Harris pro të drejtave sociale

Kamala Harris dhe Donald Trump e kanë kaluar në shtetin e lëkundur të Karolinës së Veriut fundjavën e fundit të mitingjeve elektorale, përpara zgjedhjeve të së martës.

Në tubimin e tij, Trump u zotua për rikthimin e “ëndrrës amerikane” dhe deklaroi se amerikanët e periferive ndodhen nën sulmin e “kriminelëve”.

Ai premtoi se do të dëbojë miliona emigrantë nëse zgjidhet dhe paralajmëroi se nëse fiton Harris, çdo qytet i Amerikës do të kthehet në një kamp të rrezikshëm refugjatësh.

Nga ana tjetër, Harris u bëri thirrje mbështetësve që të votojnë në mënyrë që ajo të zgjidhet dhe të ofrojë “lidershipin e gjeneratës së re”.

Ajo premtoi gjithashtu një strehim dhe kujdes shëndetësor të përballueshëm, si dhe mbrojtjen e të drejtave riprodhuese të grave.

Sondazhet parashikojnë një garë të ngushtë, me Harris që gëzon 48% të mbështetjes dhe Trump nën 47%.

LEXONI GJITHASHTU:

• Prit të pyes gruan, Trump i përgjigjet propozimit për martesë nga mbështetësja
• Fushata hyn në fazën kulmore, Trump dhe Harris të bindur për fitore në zgjedhje