Mbahet mbledhja e grupit parlamentar të PS, zbardhen diskutimet

Në ambientet e Kuvendit të Shqipërisë u mbajt sot mbledhja e Grupit Parlamentar të Partisë Socialiste.

Sipas socialistëve në mbledhje u trajtuan çështje kyçe që lidhen me angazhimin e deputetëve në aktivitetet parlamentare.

Takimi vuri theksin mbi rolin aktiv të deputetëve në komisionet parlamentare dhe përgatitjet për seancat e ardhshme plenare.

Sipas grupit të PS, në fokus të diskutimeve ishte procesi i miratimit të Buxhetit të Shtetit për vitin 2025, me qëllimin që buxheti të shqyrtohet me kujdes dhe të miratohet në kohë për të përmbushur nevojat dhe pritshmëritë e qytetarëve.

Drejtuesit e grupit parlamentar theksuan rëndësinë e përfshirjes së çdo deputeti në këtë proces, duke e konsideruar buxhetin një çështje prioritare që kërkon angazhim të plotë nga ana e tyre.

LEXONI GJITHASHTU:

• Biznesmenët italianë refuzojnë “Sterilizimin”, Vokshi: Do t’i drejtohemi policisë
• Sterilizimi/ Biznesmeni Rrapaj shoqërohet me pranga në duar të dëshmojë në komision