Mbahet në GJKKO seanca për inceneratorin e Fierit, kërkesat e të pandehurve

Është mbajtur këtë të hënë në GJKKO, seanca e gjyqit për inceneratorin e Fierit.

Gjykata kërkoi kohë që të shprehet në lidhje me kërkesën e bërë nga Arben Dervishaj dhe Regan Merdani për shpallje të mos kompetencës dhe kalimin e çështjes  në gjykatën e Tiranës.

Ndërsa i pandehuri Arenc Myrtezani kërkoi pavlefshmërinë e akt-ekspertizave grafike dhe teknike të bëra nga prokuroria.

Avokati i të pandehurit Arber Denizi kërkoi që të pezullohet gjykimi pasi nuk ka marrë dijeni për procesin.

Në seance sot ishin të pranishëm edhe ish-ministri i Mjedisit Lefter Koka dhe ish-Sekretari i Përgjithshëm i Ministrisë së Mjedisit Alqi Bllako.

LEXONI GJITHASHTU:

• Zbardhet pretenca, kërkohet konfiskim i kompanive të inceneratorit të Elbasanit
• Inceneratorët/ Ish-prokurori: SPAK thotë që s’di pronarin, shteti vijon të paguajë