Mbanin në banesë lëndë narkotike me qëllim shitjen, arrestohen nënë e bir në Elbasan

Nënë e bir janë arrestuar në Elbasan pasi në banesën e tyre u është gjetur lëndë narkotike me qëllim shitjen.

Policia bën me dije se në kuadër të operacionit të koduar “Connection” u arrestuan në flagrancë shtetasit F. E., 31 vjeç dhe R. I., 48.

Gjatë kontrollit në banesën e këtyre shtetasve, shërbimet e Policisë gjetën 400 doza të lëndës narkotike kanabis dhe 1.5 kg të kësaj lënde, të cilat mbaheshin nga të arrestuarit, me qëllim shitjen. Dozat dhe sasia e lëndës narkotike u sekuestruan në cilësinë e provës materiale, së bashku me 3 celularë.

Materiale procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

LEXONI GJITHASHTU: 

• VIDEO/ Ekipi i Euronews në Atakya, gjithçka i ngjan një zone lufte të shkatërruar
• Fotoja e Ibrahim Rugovës shfaqet në samitin e BE-së pas krahëve të Zelenskyt