Mbante armë pa leje në banesë, arrestohet 42-vjeçari në Tiranë

Policia e Tiranës ka arrestuar një 42-vjeçar, të cilit iu gjetën gjatë kontrollit në banesë 2 armë zjarri që i mbante pa leje.

Në kuadër të operacionit të koduar “Gun”, efektivët e Komisariatit të Policisë Nr. 3, bazuar dhe në informacionet e siguruara në rrugë operative se në rrugën “Princ Vidi” një shtetas mbante armë zjarri në banesë, kanë ushtruar kontroll në adresën e dhënë dhe kanë arrestuar në flagrancë shtetasin R. H., 42 vjeç.

Gjatë kontrollit të banesës, shërbimet e Policisë gjetën dy armët e zjarrit, njëra prej tyre me municion luftarak, të cilat u sekuestruan në cilësinë e provës materiale.

LEXONI GJITHASHTU:

• Në kërkim për trafik droge dhe armëmbajtje, arrestohet 42-vjeçari në Durrës
• Sulm me armë zjarri në Uashington, një 15-vjeçar qëllon për vdekje pesë persona