Mbappe rikthehet me dopietë, PSG merr fitoren e parë, Marseja mposht Brest 2-0

PSG ka rrëmbyer fitoren e parë në këtë sezon futbollistik, ndërsa kundërshtari i radhës ishte Lens. Parizienët triumfuan me rezultatin 3-0, ku në këtë përballje shkëlqeu ylli Kilian Mbappe.

Sulmuesi shënoi dy gola për kampionët e Francës. Sfida u zhbllokua në minutën e 45’, me golin e shënuar nga Asensio.

7 minuta nga pjesa e dytë ishte Mbappe që dyfishoi rezultatin, ndërsa në minutën e 90’ shënoi golin e dytë personal dhe të tretin për PSG e cila ngjitet kështu në vendin e katërt.

Ky rikthim me dy gola i Mbappe, duket se ka ngrohur disi drejtuesit e klubit, ku në mediat franceze thuhet se mund të ketë dhe një dakordësim mes palëve për rinovim. Plani është që Mbappe të shtyjë me 1 vit qëndrimin në kryeqytetin francez.

Situata vijon të jetë ende e paqartë, me Realin i cili është në pritje, ku verën e ardhshme synon ta sjellë Mbappe në Bernabeu. Në përballjen tjetër të së shtunës Marseja triumfoi ndaj Brest me rezultatin 2-0. Golat u shënuan nga Mbemba e Sarr, me Marsejën e cila ngjitet në vendin e dytë në kampionat, ndërsa Ligue 1 udhëhiqet nga Marseja, e cila po ashtu ka grumbulluar 7 pikë.

LEXONI GJITHASHTU:

• PSG i vendos çmim Mbappes, sa duhet të paguajë çdo skuadër që dëshiron ta blejë
• Mbappe kthen prapa delegacionin arab të Al Hilal-it