Kanë mbërritur në vend 735 zarfet e para elektorale me votat e shqiptarëve të diasporës.

Zarfet janë dërguar në Parkun Olimpik ku janë marrë në dorëzim nga KQZ, kryetari Ilirjan Celibashi dhe dy përfaqësuesit e PS dhe PD.

Pas marrjes në dorëzim administrata e KQZ do të nisë selektimin, nëse ka dëmtime në zarf dhe më tej do ndahen sipas qarqeve e përkatëse.

Përmes një pajisje elektronike do të identifikohet zarfi nga cili shtet vjen dhe cilit qark i takon fleta e votimit.

Ato do të hapen në 11 maj kur të nisë procesi i numërimit paralelisht me votën brenda Shqipërisë.

Sipas të dhënave të publikuara të mërkurën nga Kryekomisioneri Ilirjan Celibashi, 36% e zarfeve (përkatësisht 90 mijë fletë votimi) janë shpërndarë tashmë qytetarëve shqiptarë që jetojnë jashtë vendit.

Në një konferencë për mediat, Celibashi bëri të ditur se 111 zgjedhësit e parë të regjistruar nga diaspora kanë votuar tashmë, dhe zarfi me fletën e votimit pritet të mbërrijë sot pasdite në Shqipëri.

“Shtetet me shpërndarjen më të madhe të zarfeve janë Italia, Greqia dhe Gjermania. Duam që procesin ta përfundojmë brenda 2 ditëve. Sipas raporteve që kemi marrë nga shërbimi postar, votuesi i parë, i cili i përket qarkut Dibër dhe ndodhet në Gjermani, e ka marrë zarfin në orën 07:15 minuta”, deklaroi Celibashi.

LEXONI GJITHASHTU:

• Gjykata e Tiranës miraton formularin e ankimit për votuesit nga diaspora
• Berisha: Diaspora shqiptare e madhe, do kontribuojmë në ruajtjen e identitetit