Mbështetja për sportin, Rama kritikëve: Nuk doni t’ia dini për faktet

Kryeministri Edi Rama i është përgjigjur të gjithë zërave që thonë se sportistët në Shqipëri nuk marrin mbështetje.

Ai ka përdorur si argument deklaratën e Luiza Gegës e cila pohoi se gjithçka ka ndryshuar në mbështetje të saj.

“Si i bëhet kur s’duan t’ia dinë për faktet mbi çka është bërë, jo sot po prej kohësh tanimë për të mbështetur sportistët e kalibrit europian? Si i bëhet kur s’duan t’ia dinë as kur kampionia vetë thotë që gjithçka ka ndryshuar në mbështetje të saj? I bëhet si Luiza:Vrapo më shpejt!” – shkroi Rama në faqen e tij zyrtare në Twitter.

Si i bëhet kur s’duan t’ia dinë për faktet mbi çka është bërë,jo sot po prej kohësh tanimë për të mbështetur sportistët e kalibrit europian?Si i bëhet kur s’duan t’ia dinë as kur kampionia vetë thotë që gjithçka ka ndryshuar në mbështetje të saj? I bëhet si Luiza:Vrapo më shpejt!

— Edi Rama (@ediramaal) August 23, 2022

Mëngjesin e sotëm u zhvillua një ceremoni në bulevardin “Dëshmorët e Kombit” për nder të Luiza Gegës, e cila u shpall kampione e Europës në garën 3000 metra me pengesa në Gjermani.

Luiza Gega parakaloi me një automjet tip ‘Kadillak’ përgjatë bulevardit në drejtim të Kryeministrisë, ku u prit me brohorima dhe entuziazëm nga njerëz të shumë që kishin dalë për ta përshëndetur.

Gega fitoi medaljen e artë duke shënuar kohën 9’11”31, në një garë që e dominoi nga fillimi e deri në fund. Një rezultat i jashtëzakonshëm për Gegën dhe atletikën shqiptare, e cila ngjitet në majën e Europës.

LEXONI GJITHASHTU:

• Luiza Gega krenon Shqipërinë, Rama i puth duart| 5 ngjarjet kryesore