Mbi 100,000 sirian mbeten në pritje për azilin në të gjithë BE-në

Agjencia e lajmeve AFP, ka raportuar se rreth 108,200 kërkesa për azil nga qytetarët sirianë ishin në pritje të një vendimi të shkallës së parë në të gjithë Bashkimin Evropian në fund të tetorit.

Raporti erdhi pasi Greqia u bë vendi i fundit i BE-së që pezulloi vendimet për azilin sirian.

Më herët, Austria, Belgjika, Greqia, Italia, Suedia, Danimarka dhe Mbretëria e Bashkuar njoftuan gjithashtu lëvizje të ngjashme. Madje, krerët e Austrisë dhe Danimarkës kanë bërë thirrje që refugjatët sirianë në vend të riatdhesohen.

Lëvizjet kanë shkaktuar shqetësim të gjerë.

Grupet e të drejtave të njeriut kanë vënë në dukje se situata në Siri mbetet e paqëndrueshme, me Amnesty International që u kërkon vendeve të BE-së që t’i japin përparësi “sigurisë dhe agjencisë” së refugjatëve dhe azilkërkuesve në vend të “politikës së tërbuar, anti-refugjate që ka mbërthyer aktualisht Evropën”.

LEXONI GJITHASHTU:

• Rebelët sirianë djegin varrin e babait të Bashar al-Assad
• Kushëriri i Assad: Xhihadistë nga e gjithë bota në Siri, mes tyre dhe shqiptarë