Të paktën 281 punonjës humanitar janë vrarë deri më tani gjatë 2024 dhe shumica e tyre janë vrarë gjatë luftimeve në Gaza, ky është një numër rekord punonjësish të vrarë sipas Kombeve Bashkuara.
Sipas Zyrës së OKB-së për Koordinimin e Çështjeve Humanitare (OCHA), kjo shifër tejkaloi rekordin vjetor të mëparshëm prej 280 vdekjesh, i cili ishte vendosur në vitin 2023.
Të paktën 178 punonjës të ndihmës janë vrarë këtë vit vetëm në territoret e pushtuara palestineze, duke përfshirë Gazën, ndërsa 25 kanë vdekur në Sudan dhe 11 në Ukrainë.
Incidente të tilla janë përpiluar që nga viti 1997 nga Aid Ëorker Security Database, një projekt i financuar nga SHBA i drejtuar nga grupi Humanitarian Outcomes me bazë në Mbretërinë e Bashkuar.
“Humanitarët po punojnë me guxim dhe vetëmohim në vende si Gaza, Sudani, Libani, Ukraina e kështu me radhë. Ata tregojnë më të mirën që ka për të ofruar njerëzimi dhe po vriten në këmbim, në numër rekord,” tha zëdhënësi i OCHA, Jens Laerke.
LEXONI GJITHASHTU:
- Zyrtari i lartë i ushtrisë britanike: Jemi gati të luftojmë që sonte me Rusinë
- SHBA: Situata e ndihmës në Gaza nuk është përmirësuar mjaftueshëm
