Mbledhja e 2 qeverive në qershor, Rama pret Kurtin: Simpati për kurajën me Serbinë

Kryeministri Edi Rama ka pritur në një takim kreun e qeverisë së Kosovës, Albin Kurti.

Përmes një postimi në faqen e vet në Facebook, Rama thotë se ka vlerësuar kurajën dhe realizmin e Kurtit  drejt normalizimit të marrëdhënieve me Serbinë.

Rama shprehet se me Kurtin është vendosur që mbledhja e ardhshme mes dy qeverive të zhvillohet në qershor.

“I shpreha Albinit të gjithë simpatinë time për kurajon dhe realizmin me të cilin ka hedhur hapa me rëndësi të madhe drejt normalizimit të marrëdhënieve me Serbinë. E inkurajova kryeministrin në hedhjen e hapave të mëtejshëm, qoftë për garantimin e komunave serbe në kornizën e asociacionit që garanton vetëmenaxhimin e komunitetit serb, qoftë për funksionimin me garancitë e nevojshme të Kishës Serbe në vendet e saj të kultit në Kosovë, duke e siguruar se në këtë proces jo të lehtë ai ka mbështetjen time më të plotë. Ramë dakord që mbledhja e ardhshme e të dy qeverive të mbahet në qershor”, shkruan veç të tjerash Rama në Facebook.

LEXONI GJITHASHTU:

• Begaj pret Kurtin: Marrëveshja me Serbinë, garanci për paqen
• Rama përplaset me gazetarin në Britani: Nuk thuhet Kosovo, por Kosova