Mbledhja e Grupit Parlamentar të PD, Noka: Jemi të bashkuar, cili është akti final

Deputeti i Partisë Demokratike, Flamur Noka, ka folur për mediat pas mbledhjes së Grupit Parlamentar të Partisë Demokratike.

Gjatë fjalës së tij, Noka tha se opozita është e bashkuar dhe shprehu bindjen se shumica e deputetëve demokratë do të jenë në lartësinë e duhur për t’i shërbyer qytetarëve.

Ai tha gjithashtu se janë diskutuar modalitetet e aksionit opozitar derisa të shkohet deri në aktin final të mosbindjes civile.

“Grupi është i bashkuar, edhe PD është e bashkuar. Modalitetet janë në përfundim. Ajo që diskutuam, format dhe mënyrën e aksionit tonë, vazhdimësinë dhe përshkallëzimin drejt aktit final të mosbindjes civile.

Parlamenti zhvendoset nga Parlamenti i narkoqeveritarëve, në Parlamentin e rrugës së shpresës. Deputetët që kanë dalë nga vota e demokratëve besoj se do të jenë në lartësinë e duhur, përveç dy personave.

Në Shqipëri është një narkoregjim dhe qeveria nuk do të ketë consensus për Reformën Zgjedhore. Rama është i vendosur të bëjë gjithçka për të shkatërruar parlamentarizmin dhe demokracinë në vend, ne jemi të vendosur për ta mbrojtur atë”, tha Noka.

LEXONI GJITHASHTU:

• Masa për Berishën, Noka paralajmëron mosbindje civile: Rama ktheu Shqipërinë në Rusi
• Destabilim shteti? Noka debat me Hilës: Jeni shërbëtor të regjimit