PD mbledh Këshillin Kombëtar, Noka: Protesta e 11 korrikut duhet të jetë madhështore

Partia Demokratike ka mbledhur pasditen e së premtes Këshillin Kombëtar. Gazetari Ardit Hoxha ka zbardhur detaje nga diskutimet në mbledhje, fokusi i të cilës ishte organizimi i protestës së 11 korrikut.

Deputeti Flamur Noka është shprehur se drejtuesit e PD-se,  Kryesise, Keshillit Kombetar, kryetaret e degeve te kontaktojne me çdo demokrat per ta integruar ne strukture

Ai ka thënë se duhet të takohen veçanërisht drejtuesit e degëve që janë mashtruar nga Basha, ndërsa ka theksuar se protesta më 11 korrik duhet të jetë madhështore.

“Takoni veçanërisht drejtuesit e degëve që janë mashtruar nga pengu ( Basha). Protesta e 11 korrikut duhet te jete madhështore sepse jemi e vetmja parti në Europë ku lideri ynë është i burgosur politik pa prove,  fakte dhe akuze. Një regjim autokratik që të asgjësojë opozitën ose burgos liderin ose te nxjerre jashte ligjit ate. Regjimi ka zgjedhur te burgos liderin tone. Degët e PD-se kane  grupet e punëve. Të gjithë në terren. Në fletëpalosje do te jene te gjitha pikat perse i ftojmë qytetarët në proteste. Do te realizohet dhe spoti i cili do te shpërndahet masivisht. Sensibilizimi është shume i rëndësishëm. Kryetaret e degëve, anëtarët e KK që janë pjese e grupeve te punës të jenë ne çdo rruge, takime me qytetare për t’i ftuar ata ne proteste. Ashtu sikundër vepruam ne protestën e 20 shkurtit”, mësohet të jetë shprehur Noka”, mësohet të jetë shprehur Noka.

LEXONI GJITHASHTU:

• Partia Demokratike takime në Përmet, Noka: Dera jonë është e hapur për çdo opozitar
• Apeli i jep vulën Berishës, Flamur Noka: Demokratë kthehuni në shtëpinë tuaj