Mblidhet Konferenca e Kryetarëve, priten rezultate nga negociatat Bardhi-Çuçi

Ditën e martë pritet të mblidhet në Kryesinë e Kuvendit Konferenca e Kryetarëve. Burime për Euronews Albania bëjnë me dije se në këtë mbledhje do të diskutohet ndryshimi i kalendarit të punimeve të Kuvendit, ku do të futen në rendin e ditës dhe ngritja e dy komisioneve hetimore.

Ky zhvillim vjen në vijim të dakordësisë së arritur mes kreut të grupit parlamentar demokrat Gazment Bardhi dhe atij socialist Bledi Çuçi.

Ende nuk dihen komisionet që janë dakordësuar që të ngrihen nga marrëveshja e arritur mes dy krerëve të grupeve më të mëdha parlamentare.

Deputetët opozitarë mbështetës së ish-kryeministrit Sali Berisha kanë vendosur si kusht për t‘u tërhequr nga aktet e mosbindjes civile në Kuvend, miratimin e kërkesave për ngritjen e komisioneve hetimore sikundër ndryshimin e antarësisë së Komisionit parlamentar të reformës zgjedhore dhe të bashkëkryesimit të opozitës, ku në vend të Enkelejd Alibeajt kërkojnë të përfaqësohen me deputetin Oerd Bylykbashi.

Nuk dihet ende zyrtarisht nëse në takimin mes bardhit dhe Çuçit palët janë dakordësuar për kërkesat e tyre në lidhje me punimet e Kuvendit.

LEXONI GJITHASHTU:

• Salianji mohon takimet e Bardhit me PS: Tradhti ndaj partisë!
• Negociata sekrete me Bardhin? Agron Shehaj: Fjalët po i nxjerr Rama sepse…