Mbrojtja e monedhave nga falsifikimi, Çuçi: Marrëveshja me BQE-në, mjaft efikase

Ministri i Mbrojtjes, Bledi Çuçi e cilëson si mjaft efikase nënshkrimin e marrëveshjes së institucionit që ai drejton, Bankës së Shqipërisë dhe Prokurorisë së Përgjithshme me Bankën Qendrore Evropiane, për mbrojtjen e monedhave nga falsifikimi.

Në një deklaratë për mediat, Çuçi nënvizoi se të tilla marrëveshje janë të domosdoshme, për të krijuar terrenin e duhur për të luftuar këto vepra kriminale.

“Unë mendoj që jo vetëm kjo marrëveshje, vjen si një detyrim që kemi edhe ndaj partnerëve ndërkombëtarë dhe këtu kryesisht, dua të përmend Bashkimin Evropian, që ka një vëmendje të posaçme, duke trajtuar kapitujt 24, 32 në marrëveshjen për hapjen e negociatave. Mendojnë që këto marrëveshje krijojnë një terren shumë efikas për të luftuar këto vepra kriminale.

Duke u lidhur me marrëveshje të tilla mes institucioneve të ndryshme, unë mendoj që krijojmë një terren dhe bëhet efikase lufta ndaj kësaj figure vepre penale që ka një rëndësi të posaçme. Besoj se janë të domosdoshme këto lloj marrëveshjes”, theksoi ai.