Mbyllet me debate mbledhja e Komisionit Hetimor për TIMS

Mes debateve, pas më shumë se 4 orësh komisioni parlamentar për Sistemin TIMS miraton kërkesat për informacion drejtuar institucioneve. Nga kryeministri, ministri i Brendshëm, SHISH, SPAK, Prokuroria e Tiranës etj.

Kreu i komisionit Ervin Salianjit propozoi që mbledhja e radhës e komisionit për TIMS të caktohet për ditën e hënë, ndërsa nuk munguan debatet me nënkryetarin e komisionit Toni Gogu.

“Kërkesa që hedh në votim, a jeni dakort që nesër në orën 11:00 të bëjmë mbledhjen e radhës, që të kemi mundësi që dy ekspertët e tjerë të japin mendimet e tyre. Ore këtu vidhet TIMS, ju thoni do dalim kot aty”, tha Salianji.

“I vetmi njeri që di që të dhënat kanë shkuar te grupet kriminale, je ti. Unë do ta bëj kërkesën procedurale kur ne të vijnë në atë fazë që ju të jeni një nga dëshmitarët në këtë komision”, u shpreh deputeti i PS, Toni Gogu.

“Pse bën sikur nuk jeton këtu more… Nëse keni frikë nga grupet kriminale, thoni…Kam propozim tjetër, meqë ju nesër jeni pushim dhe nuk punoni dot, kam propozim që ta vazhdojmë këtë mbledhje të hënën. Pse mbledhja e grupit është më e rëndësishme se TIMS. Pra partia më e rëndësishme se vjedhja e të dhënave. Doni të bllokoni komisionin? Po, po kështu jeni mësuar ju, Enver Enver. Se kaq jeni mësuar ju, të duartrokisni”, tha Salianji.

LEXONI GJITHASHTU:

• Spahiu: Agjenturat ruse paguajnë miliona për të vjedhur informacione nga TIMS
• Mblidhet komisioni hetimor për TIMS, Gogu përplaset me Salianjin: Po bëhesh gjyqtar