Mbyllet mes kaosit seanca plenare, opozita bllokon foltoren. Paloka djeg rregulloren

Seanca plenare e kësaj të enjteje është shoqëruar me tensione dhe debate mes deputetëve të Rithemelimit dhe maxhorancës.

Ligjvënësit nga radhët e opozitës bllokuan foltoren e Kuvendit dhe përdorën zhurmues për të ndaluar mbarëvajtjen e një seance normale.

Kryetarja e Kuvendit kaloi direkt në votimin e projektligjeve të planifikuara në rendin e ditës të punimeve të Kuvendit.

Me propozim të kreut të grupit parlamentar të PS Bledi Çuç u hoq nga rendi i ditës projektligji për lojërat e fatit.

Deputetët e PS rrëzuan dhe amendamentin e sigurisë që parashikonte ndihmë financiare prej 50 milionë dollarë për Kosovën, i propozuar në Kuvend nga kreu i Partisë Demokratike, Lulzim Basha.

Teksa parlamenti po votonte projektligjet, deputeti i PD-së dogji Edi Paloka dogji rregulloren e Kuvendit.

Sakaq pati dhe një përplasje mes deputetëve të opozitës, ku Petrit Doda nga radhët e Rithemelimit u përplas me deputetin Enkelejd Alibeaj, duke i shkuar te vendi dhe duke diskutuar me tone të larta.

U desh ndërhyrja e gardës për të normalizuar situatën.

Brenda 25 minutave maxhoranca miratoi pa diskutim të gjitha aktet e parashikuara në rendin e ditës.

LEXONI GJITHASHTU:

• Deputeti i PD shkon me xhaketën me dollarë në parlament, ironizon hapjen e basteve
• PS i rrëzoi amendamentin, Basha: E pafalshme, fshihen pas ombrellës së NATO-s