Mbyllet protesta e PD-së, Berisha: Nuk do të ndalojmë deri në largimin e Ramës

Është mbyllur pas dy orësh protesta e thirrur nga opozita jashtë ambienteve të parlamentit. Protesta ishte e qetë, por mesazhet e dhëna nga kreu i Partisë Demokratike ishin të ashpra. Berisha theksoi me forcë se protestuesit do të jenë brenda sallës së parlamentit nëse gjykata vendos sipas udhëzimeve të maxhorancës në lidhje me vulën e PD-së.

Nga selia e PD-së Berisha deklaroi pas protestës se tubimet e opozitës do të vijojnë në mënyrë të parreshtur deri në largimin përfundimtar të Edi Ramës.

“Me urdhër të krim-ministrit Edi Rama ka tentuar të shkatërrojë pluralizmin. Sikundër ka korruptuar kryezbuluesin e partnerit tonë më të madh, Në një akt anti-Nato. Mbrojtja që po i bën maxhoranca tregon se kemi të bëjmë me një forcë politike anti-perëndimore.

Këto janë motivet madhore të kësaj proteste e cila do të vazhdojë deri në largimin përfundimtar të Edi Ramës”, tha Berisha.

LEXONI GJITHASHTU: 

• Kërcënon Berisha: Për tre minuta do jemi në sallë, nëse gjykata vendos sipas Ramës
• Berisha kërcënon Ballën: Njoftove vendimin e gjykatës, por ne do të kapim dhe…
• Berisha ashpërson tonet para parlamentit: Ja u fshihen vrasësit e kenianes