Mbyllet protesta te kryeministria, turma i drejtohet Bashkisë së Tiranës

Pas gati dy orëve, është mbyllur protesta e opozitës përballë kryeministrisë, ndërsa turma e protestuesve mësohet të jetë drejtuar për nga Bashkia e Tiranës ku do të vijojnë protestën.

Protesta te Kryeministria ishte në përgjithësi e qetë, megjithatë nuk kanë munguar edhe rastet kur militantët e PD kanë hedhur molotov para kryeministrisë.

Molotovët u hodhën teksa kryetari i Partisë Demokratike Sali Berisha po mbante fjalimin me anë të një video-lidhje me “Zoom” për mbështetësit.

Protesta u thirr nga opozita me moton kundër korrupsionit, keqqeverisjes dhe situatës ekonomike. Kreu i Partisë Demokratike, Sali Berisha, në fjalën e tij akuzoi qeverinë si fajtoren e braktisjes së vendit nga ana e shqiptarëve.

LEXONI GJITHASHTU:

• Sali Berisha: Edi Rama ka bërë krime ndaj njerëzimit, e solli Shqipërinë buzë varrit
• Snajpera mbi tarracën e Kryeministrisë, gazetarja: Forcat shqiponja në gatishmëri